Гоёлын линз

Линзийг ямар нэгэн гадны нөлөө болон гэмтэл бохирдол, хог наалдсан байгаа эсэхийг сайтар нягталж шалгах хэрэгтэй. Хэрэв ямар нэгэн гэмтэл согог үүссэн, угаасан ч бохирдол нь арилахгүй байгаа тохиолдолд огт хэрэглэж болохгүй. 

Линзэнд өнгөн тал болон дотор тал гэж байдаг. Долоовор хурууныхаа өндгөн дээр линзийг байршуулж хажуу талаас нь линзийг харахад хэлбэр нь аяга шиг хэлбэртэй байвал өнгөн тал буюу зөв тал гэсэн үг юм.

Линз зүүх арга:

1. Долоовор хурууны өндгөн дээр эсвэл линзны тогтоогч дээр линзийг байрлуулна. Энэ үед линзний бүрэн бүтэн байдал болоод өнгөн хэсгээрээ байрласан эсэхийг нягталж шалгана.

2. Дунд хуруугаараа доод зовхийг доош нь татаж нөгөө гарынхаа дунд хуруугаар дээд зовхийг дээш нь татаж нүдийг том нээнэ.

3. Линзийг нүдэнд аажим ойртуулан хүүхэн хараанд наана. 

4. Линз хүүхэн хараанд зөв байрласан эсэхийг шалгаж дээд доод зовхиноос хуруугаа аажим салгана.

5. Нүдээ аажим аниад дараа нь 2-3 удаа нүдээ цавчилж линз зөв байрласан эсэхийг шалгана.

6. Линз зүүснийхээ дараа нүүрээ будна.

Линз авах арга:

Линз хуурайшсан тохиолдолд нүднээс салгаж авахад бэрхшээлтэй байдаг. Иймд нүдээ цавчлан нулимсаараа чийглэх эсвэл хиймэл нулимс болон зөөлөн линзэнд тохирсон дусаагуурыг дусаасны дараа линзийг салгаж авч болно. Линзийг салгахдаа заавал хүүхэн хараанаас доош чиглэлд гулсуулж авна. Нүдээ гэмтээхгүйн тулд чимхүүрийг зөв хэрэглээрэй.

Линз зүүх цагийн хуваарь:

1 дэх өдөр 4-н цаг, 2 дахь өдөр 5-цаг, 3 дахь өдөр 6-н цаг, 4 дэх өдөр 7-н цаг, 5 дахь өдөр 8-н цаг, 6 дахь өдөр 8 цаг. Өдөрт дээд тал нь 8 цаг линз зүүнэ. 

Өглөө босоод 30 минутын дараа линзээ зүүж байх, ба унтхаасаа 1 цагийн өмнө линзээ авч байх. Линзтэй унтаж болохгүй тул заавал авч занших.

Линз хадгалах

Өдөр тутамдаа линзний шингэнийг шинээр сольж зориулалтын саванд хадгална. Линзийг цэвэрлэхдээ шингэнд нь хийж зориулалтын линз угаагчаар угаана.