Зөвлөгөө 3. Шивээс арчилгаа

1. Шивээс хийлгэснээс хойш 24 цагийн хугацаанд шивээсээ ямар нэгэн байдлаар оролдох хэрэггүй. Шивээс хийдэг салон танд шивээс хийж дуусмагц гадуур нь вазелин түрхэж, зориулалтын даавуу эсвэл хуванцар боолтоор боож өгөх болно. Хэдийгээр та шивээсээ хармаар санагдсан ч гэлээ, үүнийг оролдолгүй тэр чигээр нь байлгах хэрэгтэйг анхаарна уу.  

2. Нэгэнт 24 цаг болсон бол шивээсээ угааж болно. Гэхдээ харшлын эсрэг үйлчилгээтэй, ямар нэгэн үнэргүй цэвэрлэгчээр угаах ёстой гэдгийг бүү мартаарай.   

3. Шивээсээ хатаана. Харин хатаах нэрээр шивээсийг үрж арчиж хэрхэвч болохгүй. Үүний оронд зөөлөн хүрч арчаарай. Арьс эдгэрэх явцад шивээсийг ямар ч нөхцөлд хуурай байлгах нь чухал юм. Усанд орж болох ч гэлээ савандаж угаах эсвэл усан санд арьсыг хэвийн болж эдгэртэл нь сэлж болохгүй.   

4. Шивээсийг чийгшүүлэх нь хамгийн чухал зүйл болохыг мэргэжлийн гоо сайханчид хэлж байна. Гэвч арьсандаа тохирсон чийгшүүлэгчийг сонгох хэрэгтэй. 

5. Халдвараас сэргийлж, чийгшүүлэхийн тулд бактерийн эсрэг үйлчилгээтэй тосон эмнээс нимгэхэн хэмжээгээр арьс хэвийн болж эдгэрэх хүртэл өдөр бүр түрхэж, дараа нь угаана.   

6. Шивээсэндээ хүрэх бүрдээ эхлээд гараа цэвэрлэх ёстойг анхаараарай. Хэрэв таны гар бохир байвал  арьс халдвар авч өвчлөх аюултай.   

7. Бас нэгэн чухал арчилгаа бол шивээсээ нарны хурц туяанаас хамгаалах явдал юм. Тэглээ гээд нарны тос хэрэглэж болно гэсэн үг биш. Гадаа нартай үед гадуур гарахдаа сул материалтай хувцас өмсөхийг эрхэмлэх хэрэгтэй. Нэгэнт шивээс хийлгэсэн арьс хэвийн болж эдгэрмэгц та өөр бусад зүйлд санаа зовохгүй байж болно. Шивээсийг ёс журмынх нь дагуу арчлах нь таны шивээсийг олон жилийн турш харагдах байдал болон чанараа алдахгүй байхад туслах ач тустай юм.