Зөвлөгөө 1. Хумс арчилгаа

1. Хумсаа хэрхэн бат бөх болгож амархан хугарахаас сэргийлэх вэ?

Амархан хугардаг, хэврэг хумсыг оливын тосонд сармис хэрчиж хийгээд 20-30 минутын турш дүрэх хэрэгтэй.  Мөн хумсны будгаа арилгасны дараа нэг зүсэм лимоныг бүлээн устай хольж 10 минут дүрэх нь үр дүнтэй. Үүний дараа бүлээн усаар угааж алчуурынхаа хамгийн хатуу хэсгээр нэг бүрчлэн арчих нь хумсны бат бэх чанарыг хадгалж хугаралтаас сэргийлдэг.

2. Гэрийн нөхцөлд хумсныхаа махыг хэрхэн авах вэ? Хумсны махыг авах нь зөв үү?

Хумсны махыг авах нь хурууг цэгцтэй, цэвэрхэн харагдуулахад чухал нөлөөтэй.. Хэрвээ буруу авбал хумсанд муугаар нөлөөлж хумсны ургалтыг гажуудуулж, хэлбэрийг алдагдуулдаг. Тиймээс хумсны махыг зориулалтын хэрэгслээр болгоомжтой авах нь зүйтэй.

3. Хумсаа лакны химийн найрлагаас хэрхэн хамгаалах вэ?

Хумсаа байнга буддаг бол хумсны лак түрхэхээс өмнө хумсны бальзам (арчилгааны тос), эсвэл хумс хамгаалдаг өнгөгүй лак (Base) түрхэх нь зүйтэй. Хамгаалалтын өнгөгүй лакийг хумсны будган дээр ч түрхэж болно. Ингэх нь будагны тогтцыг сайжруулж, арилгалтыг нь удаашруулна. Шууд хумсны будгаар будах нь хумсыг гэмтээх, зөөлөн эмзэг болгох сөрөг талтай байдаг.